Tensione në protestën e opozitës para bashkisë së Tiranës, qytetarët bllokojnë rrugën
Me tensione ka filluar protesta e 42-të e opozitës para bashkisë së Tiranës.
Shkak është bërë mosbllokimi i rrugës para bashkisë nga ana e policisë siç ka ndodhur më herët, por këtë herë janë qytetarët ata që kanë bllokuar kalimin e mjeteve.
Sipas njoftimit, mbështetësit e PD-së kanë nisur tubimin pak pas orës 11:00, duke bllokuar dhe kalimin e automjeteve.
Para bashkisë kanë mbetur të bllokuara me dhjetëra mjete, ndërkohë që policia nuk po ndërhynë por vetëm bën thirrje me megafon për lirimin e rrugës.
Edhe gjatë javës së shkuar ndodhi e njëjta situatë.
