Sulm me thikë në një shkollë në Sllovaki, nxënësi vret dy persona
Të paktën dy persona janë vrarë në një shkollë në veri të Sllovakisë, kur një nxënës sulmoi të tjerët me thikë.
Zëdhënësja e ekipit emergjent sllobak, Danka Capakova tha për Reuters, se ekipe të shumta janë dërguar me urgjencë në shkollën e mesme në Spiska Stara Ves.
“Të paktën dy persona janë të vdekur dhe një tjetër i lënduar”, shtoi ajo, transmeton Telegrafi.
Në një postim në Facebook, policia sllovake njoftoi se një nxënës 18-vjeç ka sulmuar arsimtaren dhe dy nxënës të klasës.
Ata shtuan se i dyshuari është arrestuar, kurse deri më tani nuk dihet numri i saktë i të lënduarve.
