Sulm raketor rus në Ukrainë, goditen objektet kritike të infrastrukturës në Lviv
Objektet kritike të infrastrukturës janë goditur në dy qarqe të Lviv të Ukrainës, si rezultat i një sulmi masiv raketor rus.
Maksym Kozytskyi, shef i administratës ushtarake të Lviv, njoftoi në Telegram se rusët kryen sulm masiv ajror, transmeton Telegrafi.
“Ndërsa një paralajmërim për sulm ajror ishte në fuqi në mëngjes, nga ora 06:12 deri në 08:12, armiku sulmoi rajonin e Lviv me raketa”, shtoi Kozytskyi.
Dy objekte infrastrukturore kritike në qarqet Drohobych dhe Stryi u goditën. Fatmirësisht nuk pati viktima, por dëme materiale.
Svitlana Onyshchuk, shefja e administratës ushtarake të rajonit Ivano-Frankivsk, gjithashtu raportoi një sulm në zonën e saj të përgjegjësisë.
“Në rajonin e Karpateve, rusët shënjestruan objektet kritike të infrastrukturës. Forcat e mbrojtjes ajrore po vepronin në rajon”, shtoi ai.
