Gashi: Prishtina është dëshmia e parë e aftësisë sonë për të ndërtuar një të ardhme më të mirë, ndërsa Kosova është qëllimi ynë për nesër
Kandidati për deputet nga LDK, Arben Gashi me numër 14 në listën zgjedhore ka njoftuar se sot kanë shpalosur programin për Prishtinë.
Përmes një postimi në llogarinë e tij në Facebook tha se ky program nuk është vetëm për kryqytetin, por është model për gjithë Kosovën
“Prishtina është dëshmia e parë e aftësisë sonë për të ndërtuar një të ardhme më të mirë, ndërsa Kosova është qëllimi ynë për nesër”, ka shkruar Gashi në Facebook.
Postimi i plotë:
Sot shpalosëm programin tonë për Prishtinën, duke vendosur bazat e një qeverisjeje të ndershme dhe vizionare që do t’i shërbejë qytetarëve me përkushtim. Ky program nuk është vetëm për kryeqytetin, por është model për gjithë Kosovën, sepse besojmë se ndryshimi fillon nga qeverisja e mirë. Prishtina është dëshmia e parë e aftësisë sonë për të ndërtuar një të ardhme më të mirë, ndërsa Kosova është qëllimi ynë për nesër.
