“Unë isha bërë merak”, Krasniqi i reagon Kurtit për “plakje e rrokatje në opozitë”

Kryetari i PDK-së, Memli Krasniqi sot i është përgjigjur kryeministrit Albin Kurti për deklaratën e tij të djeshme në një tubim në Mitrovicë, për “plakje e rrokatje në opozitë”.

Krasniqi u shpreh se po të ishte si dikush në rrethin e kryeministrit, tha se do të bëhej merak për të.

“Për besë me qenë si dikush në rreth të tij, unë isha bërë merak qysh e kam parë dje, bash isha bërë merak. Pyetja e parë i kisha thënë “a je mirë kryeministër, çka ke?”.

“Nëse folke për me u rrokat, qysh e kam parë unë atë dje në Mitrovicë, edhe zëri iu kishte marrë a nuk e di çka e kishte gjetë, veç po të bëj be, isha bërë merak me qenë dikush prej rrethit të tij”, u shpreh Krasniqi në Klan Kosova.