Behrami viziton babain e Thaçit në spital: Asnjë dhembje, madje as ajo e padrejtësisë nuk e ka fuqinë ta gjunjëzojë bacën Haxhi

Kandidati për deputet nga PDK, Artan Behrami ka vizituar në QKUK babain e ish-presidentit Hashim Thaçi.

Ish-këshilltari i Thaçit tha se gjithnjë e ka impresionuar vullneti i pathyeshëm i Hashim Thaçit në rrethana të vështira, në rrethana të jashtëzakonshme, por sipas tij, kjo u vërtetua se e ka të trashëguar nga babai i tij.

Postimi i plotë:

Gjithmonë më ka impresionuar vullneti i pathyeshëm i Hashim Thaçit në rrethana të vështira, në rrethana të jashtëzakonshme.

Tani pasi pashë bacën Haxhi në rrethana jo të lehta, e kuptova se qëndrimin stoik, mosdorëzimin, shpresën dhe pozitivitetin e ka të trashëguar nga ky.

Asnjë dhembje, madje as ajo e padrejtësisë, nuk e ka fuqinë ta gjunjëzojë bacën Haxhi.