LDK të shtunën hap fushatën te Pallati i Rinisë: Ringritje, përbashkim e shpresë për ndryshim
Lidhja Demokratike e Kosovës ka njoftuar se ditën e shtunë do të bëj hapjen e fushatës zgjedhore në Pallatin e Rinisë në Prishtinë.
Në njoftimin e dhënë nga kjo parti, thuhet se tubimi nis nga ora 17:00.
Postimi i plotë:
Ejani nesër në Pallatin e Rinisë në Prishtinë!
Rrugëtimin drejt të ardhmes së ndritshme për çdo qytetar të Kosovës e kemi nisur bashkë, dhe po e vazhdojmë nesër me zemër të hapur e me shkëndijë në sy. Hapja madhështore e fushatës së LDK-së është thirrje për ringritje, përbashkim, për shpresë dhe për ndryshim. Ejani dhe bëhuni pjesë e këtij momenti historik!
Për fëmijët tanë dhe për të ardhmen e vendit, për Kosovën që duam dhe që do ta ndërtojmë së bashku – eja dhe BËHU NDRYSHIMI! 🇽🇰
Bashkohuni me ne nesër. Le ta dëshmojmë edhe një herë, ashtu siç di dhe mundet vetëm Lidhja Demokratike, se së bashku mund dhe do ta bëjmë ndryshimin e madh! 💙
Vendi: Pallati i Rinisë – Prishtinë
Ora: 17:00
