Arrestohen dy vëllezër në Deçan- përveçse kanosën policët, njëri dyshohet edhe për vjedhje

Dje në një qendër tregtare në Deçan ka ndodhur një vjedhje e armatosur.

I dyshuari është arrestuar në vendin e ngjarjes dhe i janë sekuestruar një armë, një karikator dhe një brisk.

“Drejtoria Rajonale e Policisë Pejё, Stacioni Policor nё Deçan, me datё 29.12.2024, ka pranuar informacion se nё njё qendër tregtare nё rrugën “ Luan Haradinaj” nё Deçan, njё person ka kryer vjedhje dhe i njëjti ёshtё i armatosur. Njёsitet relevante te Stacionit Policor nё Deçan, menjёherё kanё shkuar nё vendin e ngjarjёs, kanё arrestuar tё dyshuarin, dhe gjatё kontrollit tek i dyshuari janё gjetur dhe sekuestruar: njё (1) Armё e llojit Canik kal. 9mm, njё (1) karikator i sё njejtёs armё dhe njё(1) mjet i mpreht (Brisk).”

Policia thotë se gjatë arrestimit i dyshuari i ka kanosur policët.

Ai është dërguar në mbajtje për 48 orë.

Po ashtu është kryer bastisje në shtëpinë e të dyshuarit, ku policët janë kanosur nga vëllai i të arrestuarit.

Edhe ai është dërguar në mbajtje për 48 orë.

“Nga hetuesit e Sektorit Rajonal pёr Hetime DRP Pejё, dhe njёsitet tjera ёshtё kryer kontroll/bastisje, nё shtёpine e personit tё dyshuar nё fshatin Strell i ulёt-Deçan, gjatё bastisjes zyrtaret Policor janё kanosur nga i dyshuari ( vёllai i tё dyshuarit tё parё), i dyshuari ёshtё arrestuar dhe pas inetrvistimit nga Hetuesit, me vendim tё Prokurorit tё shtetit ёshtё dёrguar nё mbajtje pёr 48- orё.”