Reduktimet me rrymë, Syla: Dejona dhe Martin, meqë ka rrymë në veri, a po paguhet ajo?
Sekretari organizativ i Aleancës për Ardhmërinë e Kosovës, Gazmend Syla, ka reaguar ndaj situatës së rënduar me furnizimin me energji elektrike në vend, duke ngritur pyetje dhe shqetësime për trajtimin e pabarabartë të qytetarëve.
“Dejona dhe Martin, a ka rrymë në veri? Nga fotoja duket që po, shumë mirë që ka. A po paguhet rryma në veri? Në Pejë u ndal. Në Pejë e paguajmë. Shumëkush e ka paguar me centin e fundit të pensioneve ofenduese, të tjerët, me siguri, po presin me paguar me vitrat 100-euroshe që i ndatë. Rezultati është i njëjtë: terr dhe ftohtë! Ndërkohë, Ministria e Tregtisë dhe Industrisë po duket se është duke ‘kursyer’ ngarkesën energjetike,” shkruan Syla.
