Digjet vetura në Breg të Diellit, policia jep detaje
Mëngjesin e sotëm në rrugën “Xheladin Hana” në Prishtinë, është djegur një veturë.
Rastin e ka konfirmuar zëdhënësja e policisë për rajonin e Prishtinës, Flora Ahmeti
Zjarri është lokalizuar, nuk është raportuar për ndonjë person të lënduar.
“Sot rreth orës 08:50, kemi pranuar informatën për një incident zjarri në rrugën “Xheladin Hana” në Prishtinë, ku është djegur një veturë.
Në vendngjarje kanë dalë zjarrfiksit dhe policia të cilët janë marrë me rastin. Aktualisht po kryhen ekzaminimet e nevojshme në vendin e ngjarjes”, tha Ahmeti për Klan Kosova.
