Elmi Reçica pret në Kuvend studentët e juridikut: Të rinjtë të jenë të vëmendshëm se kujt po ia japin votën
Elmi Reçica nga Partia Demokratike e Kosovës bashkë me Rashit Qalajn kanë pritur në Kuvend studentët e Fakulteti Juridik të Universitetit të Prishtinës.
Reçica njoftoi se me studentët diskutoi për rëndësinë e përfshirjes së tyre në proceset që kalon shteti.
Ai gjatë këtij takimi foli edhe për kushtet për punësim dhe mirëqenien.
Sot, së bashku me kolegun Rashit Qalaj, mirëpritëm në Kuvend studentët e Fakultetit Juridik të Universitetit të Prishtinës. Diskutuam për rëndësinë e rinisë, veçanërisht asaj studentore, e cila duhet të jetë më aktive në proceset që po kalon shteti ynë.
Trajtuam çështje si funksionimi i Kuvendit, sfidat e rinisë, dhe fenomenin shqetësues të migrimit. U theksua nevoja për kushte më të mira për punësim dhe mirëqenie. Gjithashtu, theksuam rëndësinë që të rinjtë të jenë të vëmendshëm se kujt po ia japin votën, pasi me votën e tyre përcaktojnë të ardhmen e tyre dhe të vendit.
