“Polici sapo kishte dalur nga stacioni policor”- Detaje se si u qëllua zyrtari derisa kalonte zebrat në Pejë
Policia e Kosovës ka jap detaje pas raportimit të Periskopit pasi një person ka shtënë me armë zjarri në drejtim të një polici në Pejë.
Për fat të mirë ai ka shpëtuar pa ndonjë lëndim.
Kështu deklaroi për Periskopin Fadil Gashi, zëdhënës i policisë për rajonin e Pejës.
“Zyrtari policor sapo kishte dalur nga stacioni policor dhe ishte duke e kaluar rrugën në zebra, nga një veturë në drejtim të tij është qëlluar me armë zjarri. Për fat të mirë ai ka shpëtuar pa lëndime”, deklaroi Gashi.
“I dyshuari është arritur të identifikohet dhe lidhur me rastin po ndërmerren të gjitha veprimet hetimore për kapjen e tij. Në vendin e ngjarjes ka dalur edhe prokurori dhe njësitet relevante. Aty janë gjetur edhe dy gëzhoja”, theksoi ai.
Derisa nuk u bë e ditur arsyeja e këtij incidenti.
