Prokuroria Speciale nuk ia dëgjon ‘qejfin’ Rozeta Hajdarit, fton Kurtin për t’u rrëfyer për rezervat shtetërore
Në një studio televizive në transmetuesin publik protagonistja e skandalit për rezervat shtetërore Rozeta Hajdari u pyet pikërisht për këtë, por ajo vendosi të mos përgjigjet, duke kërkuar që të mbyllet kjo temë.
“A jeni ju prokuror. Ju lutem mbylleni këtë temë sepse është çështje sekrete”, i tha Hajdari gazetarit.
Ani pse është kjo dëshirë e saj, Prokuroria Speciale me sa duket nuk do ta përfundoj me kaq.
Kjo pasi që ftesë për këtë skandal, i ka ardhur sot edhe shefit të saj, Albin Kurtit.
Periskopi raportoi më parë se Kurti është ftuar në prokurori për cështjen e rezervave shtetërore.
Për ftesën e detyrueshme drejtuar Kurtit në cilësi dëshmitari, njoftoi zëdhënësi i Qeverisë së Kosovës, Përparim Kryeziu, i cili për media e dha krejtësisht në domen zgjedhor duke e quajtur “ndërhyrje” nga sistemi i drejtësisë ndërsa Zëvendës Kryeministri i Kosovës, Besnik Bislimi, pyeti “pse kjo nguti? Fushata fillon në janar”.
Për çështjen e rezervave shtetërore, Kryeministri i Kosovës, Albin Kurti, i kishte dalë në mbrojtje publike Rozeta Hajdarit përmes një videoadresimi duke mohuar kategorikisht se çështja përbënte rast korrupsioni.
Skandali me rezervat shtetërore, Hajdari refuzon të përgjigjet: Mbylle këtë temë
