E dhimbshme: Gruaja që vdiq në rrugën Kaçanik-Hani Elezit dyshohet se ishte e moshës së re
Një aksident me fatalitet ka ndodhur mëngjesin e sotëm në rrugën magjistrale Kaçanik – Hani i Elezit, ku për pasojë një grua humbi jetën. Viktima u vetaksidentua pasi humbi kontrollin dhe ra në humnerë për disa metra.
Indeksonline mëson se bëhet fjalë për një 22 vjeçare.
Lajmin e ka konfirmuar edhe Policia Rajonale në Ferizaj.
“Ju njoftojmë se me datën 29.11.2024 rreth orës 07:30 kemi pranuar një informatë se në rrugën magjistrale Kaçanik-Hani Elezit, tek vendi i quajtur “Kulla me qeshmë” , ka ndodhur një aksident komunikacioni rrugor, ku është përfshirë një veturë. Ekipe të policisë, zjarrëfikësit dhe ambulanca kanë dalë menjëherë në vendin e ngjarjes. Nga hetimet e para mësohet se një veturë Nissan, derisa ka qarkulluar në magjistralen Kaçanik – Hani Elezit, në rrethana ende të pasqaruara ka humbur kontrollin mbi automjet dhe ka dalë jashtë rrugës, duke rënë në humnerë disa metra .
Si pasojë e këtij aksidenti një person e gjinisë femër, e moshës madhore ka humbur jetën, vdekja e së cilës është konstatuar nga mjekët në vendin e ngjarjes.
