Vdes ish-ushtari i UÇK’së, Shaban Bujupi

Deputeti i Partisë Demokratike të Kosovës, Ferat Shala, ka njoftuar se është ndarë nga jeta ish-ushtari i UÇK-së, Shaban Bujupi, shkruan Periskopi. 

Në një postim në Facebook, Shala tha se çdo hap e bëri për atdheun dhe çdo frymëmarrje ia fali idealit tonë të shenjtë.

“U shua një zemër që rrahu me guxim për lirinë e Kosovës, një bashkëluftëtar që çdo hap e bëri për atdheun dhe çdo frymëmarrje ia fali idealit tonë të shenjtë. Shaban Bujupit pak iu duk pushka e vet; ai shumë shpejt në luftë e mori edhe të birin si dhe shumë anëtarë të tjerë të familjes së ngushtë por edhe të gjerë Bujupi.”- ka shkruar Shala.

I ndjeri do të varroset sot në ora 13:00, në varrezat e fshatit Arllat, Komuna Drenas./Periskopi