Dhunohet një 20 vjeçar në Burgun e Dubravës, prokuroria jep detaje
Një person 20 vjeçar, i burgosur, është dhunuar seksualisht nga dy persona të tjerë brenda burgut të Dubravës.
Ngjarja dyshohet se ka ndodhur në dhomën ku ai ishte me dy të burgosur të tjerë.
Lajmin e ka konfirmuar zëdhënësi i Prokurorisë në Pejë, Shkodran Nikçi.
Nikçi ka thënë se rasti ka ndodhur javën e kaluar, ndërsa i njëjti është raportuar para disa ditësh.
“Rasti ka ndodhur javën e kaluar, është raportuar këto ditë. Në vendin e ngjarjes ka dalë edhe Policia, ndërsa prokurori i shtetit ka kërku që me u bo ekzaminimi mjekësorë dhe jemi në pritje të raportit për të marrë veprime të mëtutjeshme”, është shprehur ai.
