Guardiola zgjat kontratën me Man Cityn edhe për dy vite të tjera
Pep Guardiola ka zgjatur zyrtarisht kontratën me Manchester Cityn edhe për dy vite të tjera, duke qëndruar në Etihad Stadium së paku deri në verën e vitit 2027.
Tekniku spanjoll do të zgjat mbretërimin e tij në Angli për së paku edhe dy vite të tjera, pas 8 viteve të kaluara deri tani me “Qytetarët”.
Spanjolli ka fituar plot 18 trofe në 8 sezone me Manchester Cityn.
Pas rinovimit të kontratës, Guardiola u shpreh mjaft i lumtur.
“Manchester City do të thotë shumë për mua. Ky është sezoni im i nëntë këtu; kemi përjetuar kaq shumë momente të mrekullueshme së bashku. Kam një ndjenjë vërtet të veçantë për këtë klub futbolli. Kjo është arsyeja pse jam shumë i lumtur që do të qëndroj edhe për dy sezone të tjera.
“Faleminderit të gjithëve që vazhduat të më besoni dhe të më mbështesni – Pronari, Kryetari Khaldoon, Ferran, Txiki, lojtarët dhe sigurisht tifozët… të gjithë të lidhur me Manchester Cityn. Ka qenë gjithmonë një nder, një kënaqësi dhe një privilegj të jem këtu”, deklaroi ai.
