Ushtria probleme me ushqim, Kurti shkon në depot e FSK-së bën pak fushatë me armët e blera
Pas caktimit të datës së zgjedhjeve të reja, Qeveria dhe partitë politike kanë intensifikuar fushatat paraelektorale. Kryeministri i Kosovës, Albin Kurti, pas disa udhëtimeve jashtë vendit në Gjermani e skandinavi, është përqendruar tashmë në Kosovë.
Pas vizitës që ia ka bërë dje familjes Rugova, Kurti ka treguar se mbrëmë ka vizituar depot e FSK-së, ku janë të ekspozuara armët që janë blerë për këmbësorinë. Ndërkohë që ushtria e Kosovës është duke u përballur me probleme bazike sikurse ushqimi.
“Ky armatim modern është në kuadër të blerjeve dhe furnizimeve të vazhdueshme që jemi duke i bërë për forcën tonë dhe është vetëm një pjesë fare e vogël e sasisë më të madhe të armatimit të këmbësorisë që ndonjëherë kemi marrë.Ngritja e kapaciteteve tona ushtarake ka qenë dhe do të jetë gjithnjë në shërbim të mbrojtjes së sovranitetit dhe integritetit tonë territorial dhe të ruajtjes së paqes dhe sigurisë”, ka shkruar Kurti.
