Policia në Zveçan gjen tre kavanozë të groposur në dhe- kishte granata, armatim, municion dhe uniformë ushtarake
Policia e Kosovës ka njoftuar se në Zveçan kanë gjetur tre kavanozë plastike të groposur në dhe, ku ka pasur uniforma ushtarake, armë AK47, granata dore dhe fishekë.
“Me datën 19.11.2024 pas pranimit të një informate, është kryer një kontroll në rrugën Kralj Petri në Zveçan nga njësitet policore. Gjatë kontrollimit janë gjetur tre kavanozë (bure) plastikë të groposur në dhe, në të cilët kishte pasur uniforma ushtarake, armë AK47, granata dore dhe fishekë. Fillimisht një bure është gjetur nga njësitet e DRP Mitrovicë Veri, e më pas nga Njësia për Trajtimin e Mjeteve Eksplozive janë gjetur edhe dy bure të tjera.”
