Hoxhaj: Kosova nuk siguroi mbështetje në Samitin e Parisit për t’u bërë anëtare me të drejta të plota e OIF

Deputeti i PDK-së dhe ish ministri i jashtëm Enver Hoxhaj tha se Kosova nuk arriti të sigurojë mbështetje në Samitin e Parisit për t’u bërë anëtarë me të drejta të plota e Organizatës Botërore të Frankofonisë.

Ai shtoi se sa ishte Ministër i Jashtëm, pas një pune të madhe lobuese, Kosova u pranua si anëtare vëzhguese e OIF, ndërsa shton se sot Qeveria aktuale ia ka humbur Kosovës aftësinë për ndonjë anëtarësim në ndonjë organizatë.

“Ky lajm tregon mjerimin politik të brendshëm dhe dështimin konkret të jashtëm, ku sot askush nga vendet partnere të Perëndimit apo shtetet që e kanë njohur Kosovën në Azi dhe Afrikë nuk e vlerësojnë atë, duke treguar gatishmërinë për të ofruar mbështetje qoftë për ta vendosur atë në agjendë! Kjo tregon jo vetëm mungesën e vullnetit për të bashkëpunuar, por edhe izolimin global të Kosovës”, përfundoi Hoxhaj në shkrimin e tij në Facebook.