Musk: Trump i fitoi zgjedhjet sepse është një ‘njeri normal’

Elon Musk tha se Donald Trump fitoi zgjedhjet presidenciale sepse ai ishte pjesë e podkastit të Joe Rogan dhe ishte “një njeri normal”.

Bëhet e ditur se Trump foli për tre orë në podkastin The Joe Rogan Experience, i cili u transmetua në javën e fundit të fushatës së tij zgjedhore dhe është parë nga më shumë se 46 milionë njerëz në YouTube.

Musk tha se intervista “bëri vërtet një ndryshim” për elektoratin e Trumpit, të cilët ishin në gjendje ta shihnin presidentin e zgjedhur në një këndvështrim tjetër, shkruan skynews, përcjell Telegrafi.

“Ata vetëm dëgjojnë dikë të flasë për disa orë dhe kështu vendosin nëse je një person i mirë, nëse i pëlqeni”, tha Musk.

Për dallim, miliarderi than se nëse Kamala Harris do të ishte shfaqur në podkastin e Rogan, “do të kishte përfunduar loja”.

“Asgjë nuk do t’i bënte më shumë dëm fushatës së Kamalas sesa të vazhdonte me Joe Rogan”, sipas Musk.

“Por, nga ana tjetër, për Trumpin nuk ka asnjë pikë diskutimi, ai është thjesht një person normal”, përfundoi pronari i Tesla.