Cubarsi përfundoi me 10 qepje në fytyrë shkaku i lëndimit të tmerrshëm në Ligën e Kampionëve

Pau Cubarsi mbeti i lënduar dhe me prerje të tmerrshme në fytyrë pasi u godit në kokë gjatë fitores së Barcelonës në Ligën e Kampionëve ndaj Crvena Zvezdës së Beogradit të mërkurën mbrëma.

Gjigantët katalunas arritën një fitore 5-2 në Serbi të mërkurën mbrëma, por kishte shqetësim për qendërmbrojtësin e tyre 17-vjeçare kur ai u detyrua të largohej në pjesën e dytë.

Cubarsi shkoi me trimëri të largonte topin me kokë, por u kap nga këmba e Uros Spajic. Bashkëlojtarët e tij të Barcelonës vunë re gjakun që po derdhej si pasojë e goditjes me taka, me stafin mjekësor të klubit që i erdhi shpejt në ndihmë.

Adoleshenti u zëvendësua nga Sergi Dominguez në minutën e 67-të dhe sipas gazetës Mundo Deportivo, atij iu dhanë 10 qepje në fytyrë shkaku i kësaj ndërhyrje.

Pavarësisht plagës, spanjolli u shfaq në humor të mirë pas ndeshjes me shokun e tij të skuadrës në Barcelonë, Gavi, i cili ndau një video ku tregonte të riun duke buzëqeshur dhe duke treguar gishtin e madh, teksa ai e titullonte ‘luftëtari im’.

“My warrior ♥️”

Gavi to Cubarsí on ig 😭❤️ pic.twitter.com/Y7IFBZx7Dn

— ᴘɢ² (@angrygavi) November 6, 2024

Klipi i shkurtër tregon shkallën brutale të lëndimeve, por raportet në Spanjë pretendojnë se nuk ka ndonjë shqetësim të madh, duke besuar se ai madje mund të jetë i disponueshëm për të luajtur kundër Real Sociedad të dielën.

Barcelona ndau gjithashtu një fotografi të mbrojtësit të saj të ri me mesazhin: ‘Gjithçka për Barçën’.

Everything for the Club pic.twitter.com/8NibaXo1ON

— FC Barcelona (@FCBarcelona) November 7, 2024

Cubarsi konsiderohet si një nga talentët e rinj më të mirë në futbollin botëror, duke mbajtur një rol titullari në ekipin e parë në një nga klubet më të mëdha në botë, pavarësisht viteve të tij të pakta.

Pasi bëri debutimin e tij për të moshuarit me vetëm 16 vjeç, ai e ka çimentuar më tej vendin e tij në 11-shen titullare këtë sezon. /