Nga ekipi i Harris presin që Trump mund të vetëshpall fitore

Ndihmësit e kandidates demokrate Kamala Harris presin që rivali Donald Trump të vetëshpall fitoren e zgjedhjeve pa u projektuar përfundimisht fitimtari, raportoi CNN.

“Ata kanë zhvilluar opsione për përgjigje, por ajo që ata do të bëjnë në fund do të drejtohet nga mënyra se si dhe kur vepron ish-presidenti. Një gjë që dy këshilltarë të Harris i thanë CNN është se ata nuk do të lejojnë që pretendimet e Trump të mbeten pa përgjigje. Fushata planifikon të jetë ‘shumë agresive’ për këtë, tha një ndihmës për CNN.

“Harris është gati të flasë sonte, dhe që nga dje, pritej që ajo të jepte disa vërejtje nëse rezultati i garës dihej apo jo. Por ndihmësit paralajmëruan se këto plane mund të ndryshojnë”, thuhet më tej në raportim.

Ish-presidenti Donald Trump planifikon t’u drejtohet disa mijëra mbështetësve që po mblidhen në Qendrën e Konventave në Palm Beach disa kilometra larg rezidencës së tij Mar-a-Lago në një moment të caktuar në mbrëmje, kanë thanë burime të njohura me planet e tij për CNN, megjithëse kur – dhe nëse – kjo do të ndodhë në fund të fundit, mbetet për t’u parë.