Gashi: Nuk e votojmë buxhetin, Qeveria ka bërë shkelje ligjore
Shefi i Grupit Parlamentar të LDK-së, Arben Gashi, pas mbledhje së Kyresisë së Kuvendit tha se nuk do ta votojnë buxhetin për vitin 2025, raporton Periskopi.
Gashi tha se Qeveria Kurti ka bërë shkelje ligjore.
“U vendos qe ditën e hënë të jetë një seancë, diskutimi i buxhetit të Republikës. Do të jetë një seancë dinamike që e ka një fokus të veçantë. Vendimmarrja në Kuvend vazhdon të jetë e vështirësuar. Ne si grup parlamentar i LDK-së do të jemi prezent. Java e ardhshme do të jetë përcaktuese në mënyrën se si do te shihet buxheti i ardhshëm”, është shprehur Gashi.
”Nuk e votojmë buxhetin. Do t’i japim vërejtjet tona. Ky buxhet i ka dy probleme. E para ka të bëjë me ndërhyrjen e buxhetit në ligjin për Pagat në sektorin publik. Ndërsa e dyta është që tentojnë me bë këta është me ligjin për tatimin në pronën e paluajtshme. Po ashtu e njëjta vlen sepse në ligjin specifik ndërhyhet me një ligj të karakterit të përkohshëm. Të dyja janë shkelje ligjore dhe i ka aprovu gabim dhe Kurti po mundohet me i ndryshu me një ligj të përkohshëm dhe është ndërhyrje skandaloze”, tha Gashi.
