Nëse do të zgjidhej president, Trump premton: Do ta shkarkoj ‘për dy sekonda’ prokurorin që po më heton

Nëse fiton zgjedhjet e muajit nëntor, Donald Trump ka thënë se do të shkarkojë prokurorin federal që po heton nëse ai u përpoq të përmbyste rezultatin e zgjedhjeve të vitit 2020.

Kur u pyet gjatë një interviste nëse do të falte veten apo do të shkarkonte këshilltarin special, Jack Smith, ai tha se “është kaq e lehtë. Unë do ta shkarkoja atë brenda dy sekondave”.

“Unë nuk mendoj se ata do të më fajësonin nëse unë shkarkoja Jack Smith”, deklaroi republikani, shkruan skynews.

Jack Smith, prokurori i caktuar për të udhëhequr çështjen e ndërhyrjes në zgjedhje kundër Trumpit, tashmë i ka paraqitur provat dhe të gjitha dëshmitë ndaj republikanit.

Në dosje, prokurorët pretendojnë se ish-presidenti amerikan nuk po vepronte gjithmonë në cilësinë zyrtare, dhe në vend të kësaj ishte angazhuar në një “përpjekje kriminale private” për të përmbysur rezultatet e vitit 2020.

Dokumenti është një përpjekje e prokurorëve për të çuar përpara çështjen penale kundër Trumpit pas vendimit të Gjykatës së Lartë.