Arrestohen të dyshuarit që rahën brutalisht një person në Pejë
Një person ka pësuar lëndime, pasi është rrahur brutalisht nga dy persona të tjerë, pranë Gjykatës Themelore në Pejë.
Rastin është konfirmuar nga Policia, të cilët njoftuan se tashmë janë arrestuar edhe personat e dyshuar.
“Rreth orës 12:30 policia është njoftuar se në afërsi të Gjykatës Themelore në Pejë në rrugë është një rrahje. Policia ka dalë në vendin e ngjarjes dhe ka takuar viktimë e lënduar. I njëjti është dërguar për tretman në spitalin rajonal të Pejës. Të dyshuarit janë larguar nga vendi i ngjarjes, mirëpo pas pak kohe i ka arrestuar dhe të njëjtit po intervistohen”, ka potencuar zëdhënësi i Policisë për rajonin e Pejës, Fadil Gashi.
