Rohde: Gjermania e përkushtuar për mbështetjen e KFOR-it, kemi rritur kontingjentin
Ambasadori gjerman, Jorn Rohde, ka uruar komandantin e ri të KFOR-it, Gjeneralmajor Enrico Barduani, pasi ky i fundit sot pranoi zyrtarisht detyrën.
Përmes një postimi, Rohde ka falënderuar Gjeneralmajorin Őzkan Ulutaş, për shërbimin e tij të jashtëzakonshëm si komandant.
“Gjermania mbetet e përkushtuar për të mbështetur KFOR-in dhe zbatimin e misionit të tij, siç riafirmohet nga rritja jonë e fundit e ndjeshme me kontingjent” shkroi Rohde.
Barduani arriti në Kosovë një javë më parë, raporton IndeksOnline, ndërkaq detyrën si komandant e pranoi sot nga paraardhësi i tij, Gjeneralmajor Ulutaş.
Ceremonia e pranim-dorëzimit të detyrës u mbajt në selinë e KFOR-it në Camp Film City, në Prishtinë.