Naser Hafizi pritet të mbërrijë në aeroport sot pasdite, policia organizon ‘ceremoninë e pritjes’ për të

Gjykata Themelore në Prishtinë ka lëshuar urdhër arrest ndaj Naser Hafizit, drejtorit të Autoritetit të Rajonit të Pellgjeve Lumore në Ministrinë e Mjedisit, Planifikimit Hapësinor dhe Infrastrukturës, shkruan Periskopi.

Siç mëson Periskopi nga burimet e veta se Hafizi do të mbërrijë në aeroportin e Prishtinës sot në orën 15:30 dhe pritet të arrestohet nga Policia e Kosovës.

Hafizi dyshohet për përfshirje në aferën e faljes së borxheve për kompanitë e ambalazhuesve të ujit, nuk u gjet të martën në vendin e tij të punës kur Policia e Kosovës zhvilloi një bastisje në Ministrinë e Mjedisit, e as në shtëpinë e tij.

Ai dyshohet për veprën penale të “Keqpërdorimit të detyrës apo autoritetit zyrtar” me rastin e faljes së borxheve për kompanitë e ambalazhuesve të ujit. /Periskopi