Ngjarjet e paralajmëruara për sot

Ngjarjet e ditës 7 tetor 2024:

09:00- Kryetari i Kryeqytetit, Përparim Rama, nënshkruan kontratën me 26 operatorë privatë të transportit publik. Përmes kësaj kontrate, operatorët privatë do të paguhen sipas kilometrave të realizuar. (Komuna e Prishtinës)
10:00- Instituti i Kosovës për Drejtësi (IKD) publikon raportin “Përgjegjësia e Mediave ndaj komenteve të paligjshme”. (Zyrat e IKD-së, rr. “Ilaz Agushi”)

10:00- Instituti i Historisë “Ali Hadri” dhe Iniciativa për Histori Gojore mbajnë tryezën me titull “Roli i gruas shqiptare në organizatat e fshehta politike në Kosovë”. (Instituti Albanologjik)

11:00- Në muajin e ndërgjegjësimit kundër kancerit të gjirit, bëhet pranimi i donacionit të mamografit nga Kompania Medica për QKMF “Dr. Vezir Bajrami”. (Komuna e Shtimes)

12:00- Kryeministri i Kosovës, Albin Kurti, merr pjesë në hapjen e Panairit të Janjevës, “Mirëserdhët në Janjevë”. (Janjevë, Komuna e Lipjanit)

12:30- Përzgjedhësi i Kombëtares së Kosovës, Franco Foda, do të mbajë konferencë për medie në prag të grumbullimit për dy ndeshjet e tetorit kundër Lituanisë dhe Qipros, në kuadër të Ligës së Kombeve. (Hotel “Emerald”, Prishtinë)

14:00- MINT lanson skemën e granteve për inovacion, që ka për qëllim mbështetjen e bizneseve startup dhe ndërmarrjeve të vogla dhe të mesme (NVM) me koncepte inovative. Merr pjesë dhe Eric Dietz, i ngarkuar me punë i Qeverisë së Luksemburgut. (Objekti i MINT)