Mustafa e përfundon me sukses operimin, do të mungojë një kohë të gjatë

Mesfushori Ilir Mustafa e ka përfunduar me sukses operimin e gjurit, ka njoftuar klubi i Dritës të premten në mbrëmje.

Mustafa u lëndua në duelin kundër Malishevës, ndërsa pritet të mungojë për kohë të gjatë.

“Mustafa kishte pësuar lëndim të rëndë në gjurin e djathtë në ndeshjen me FC Malishevën duke këputur ACL ligamentin dhe dëmtimin e meniskut. Iliri pritet që nesër të lirohet nga spitali dhe koha e rehabilitimit do të jetë relativisht e gjatë por që rëndësi ka që gjithçka të shkojë mirë gjatë fazës së rehabilitimit. Të presim të kthehesh edhe më i fortë, Ilir”, ka shkruar Drita në Facebook.

Mustafa iu bashkua Dritës këtë verë nga Malisheva, derisa deri në lëndim kishte edhe një gol të shënuar me klubin gjilanas.