Publikohet kallëzimi penal ndaj ‘super’ këshilltarit Gani Jakupi, akuzohet për shpërlarje parash e ikje nga tatimi
Gani Jakupi i njohur si ‘super’ këshilltari me pagë 7500 euro, u raportua se po hetohet nga Krimet Ekonomike për keqpërdorim të detyrës zyrtare, shkruan Periskopi.
Periskopi ka siguruar kallëzimin e plotë penal ndaj Jakupit, i cili po akuzohet për keqpërdorim të detyrës zyrtare, shpërlaje parash dhe ikje nga tatimi.
Jakupi, i cili buxhetit të shtetit i kushtoi 90,000 euro në vit apo 7,500 euro në muaj është dërguar në Krime Ekonomike për keqpërdorime të shumta nga Majlinda Bregasi, bashkëpunëtore e tij.
Por në një deklaratë Jakupi mohoi akuzat, ai tha se nuk është në dijeni dhe se nuk është kontaktuar nga Krimet Ekonomike.
“Nuk e di. Mue nuk m’kanë kontaktue“, tha ai për Insajderin.
Gani Jakupi u bë emër i njohur pasi Periskopi bëri publike kontratën që ai kishte lidhur me Ministrinë e Punëve të Jashtme për të ofruar shërbime si konsulent për Ambasadën Kosovës në Bruksel.
Ndërsa sot u raportua se ai dyshohet për keqpërdorim të detyrës.
Në kallëzim penal theksohet se “ekziston dyshimi i bazuar se z. Gani Jakupi, në cilësinë e bashkëthemeluesit të OJQ’së e ka përdorur dhe shfrytëzuar llogarinë bankare të OJQ’së për të pranuar pagesa personale nga persona të tretë”./PERISKOPI
Akuzohet për shpërlarje të parave, flet Gani Jakupi ‘super’ këshilltari me pagë 7500 euro
