E konfirmon Policia: Plagosje me thikë në Prishtinë

Një plagosje me thikë ka ndodhur në afërsi të ‘Tregut të gjelbër’, në Prishtinë si pasojë e një rrahje, shkruan Periskopi.

Rastin për Periskopin e ka konfirmuar zëdhënësja e Policisë për rajonin e Prishtinës, Florije Ahmeti.

Në ngjarje dyshohet se janë të përfshirë katër persona, tre prej të cilëve tashmë janë arrestuar, ndërsa njëri nga ta ka pësuar lëndime nga një mjet i mprehtë (thikë).

“Sot rreth orës 17:00, kemi pranuar informatën për një rrahje në rrugën Agim Deva në Prishtinë ku kanë qenë të përfshirë disa persona. Në këtë rast dyshohet se janë lënduar katër persona, njëri nga ta dyshohet se ka pësuar lëndime nga një mjet i mprehtë (thikë). Lidhur me këtë rast janë deri tani janë arrestuar tre persona. Policia në koordinim me prokurorinë po ndërmerr veprimet e nevojshme procedurale.”- thuhet në njoftim./Periskopi