Shefi i EULEX-it takon drejtorin e Policisë: Mbështesim Kosovën për Sundimin e Ligjit në rrugën e tyre drejt BE-së

Shefi i misionit të EULEX-it në Kosovë, Giovanni Pietro Barbano, ka takuar sot Drejtorin e Përgjithshëm të Policisë së Kosovës, Gazmend Hoxha, me të cilën ka diskutuar se si të fuqizohet edhe më tej bashkëpunimi i shkëlqyer i vazhdueshëm për shërbim dhe mbrojtje më të mirë të të gjitha komuniteteve në Kosovë.

Barbano ka deklaruar në rrjetin social “X” se ka pasur një diskutim mjaft konstruktiv me Gazmend Hoxhën.

Siç shtoi ai, ai përsëriti përkushtimin e vendosur të EULEX-it për të mbështetur institucionet e sundimit të ligjit të Kosovës në rrugën e tyre drejt BE-së përmes një roli mbikëqyrës dhe këshillues në ruajtjen e sundimit të ligjit dhe promovimin e respektimit të të drejtave të njeriut.

“Në mesin e sfidave të pazgjidhura dhe mundësive të reja, ne diskutuam se si të forcojmë më tej bashkëpunimin tonë të shkëlqyer të vazhdueshëm për t’i shërbyer dhe mbrojtur më mirë të gjitha komunitetet në Kosovë”, tha Barbano.