“Der Standard”: Gjermania presion Kosovës, akomodon Serbinë
Gazeta prestigjioze vieneze “Der Standard” i ka kushtuar një artikull politikës gjermane në Ballkanin Perëndimor në dritën e marrëveshjeve ditë e më të theksuara të bashkëpunimit ekonomik gjerman me Serbinë.
Qasja gjermane, sipas autorit Adelheid Wolfik në artikullin e Der Standard, vlerësohet të jetë “akomoduese” ndaj Serbisë dhe presionuese ndaj Kosovë.
Megjithatë për presionin ndja Kosovës, autori shkruan se vjen nga Shtetet e Bashkuara të Amerikës ndërsa Gjermania “thjesht po i përcjell ata”.
“Megjithatë, politika e jashtme gjermane ndaj Ballkanit Perëndimor formulohet gjithashtu në Kancelarinë, për shembull nga Jens Plötner, këshilltari më i rëndësishëm i politikës së jashtme të kancelarit Olaf Scholz (SPD). Kursi gjerman synon qartazi akomodimin e Serbisë dhe forcimin e bashkëpunimit ekonomik, ndërsa Kosova, për shembull, po vihet nën presion nga diplomatët gjermanë. Kjo politikë diktohet kryesisht nga administrata amerikane dhe Gjermania thjesht po e ndjek atë”, thuhet në artikull.
“Kjo u duk më së fundi kur përfaqësuesi i qeverisë federale gjermane për Ballkanin Perëndimor, politikani i Gjelbër Manuel Sarrazin, njoftoi se Kosova mund të përjashtohet nga marrëveshja rajonale e tregtisë së lirë Cefta nëse ai nuk heq ndalimin e importit të mallrave serbe. Sipas Sarrazin, BE-ja gjithashtu mund ta përjashtojë Kosovën nga Zona e vetme e pagesave në euro (SEPA), e cila është veçanërisht e rëndësishme për remitancat nga diaspora”, shkruhet në artikull.
