Ia kërkoi fanellën Mbappes pas pjesës së parë, u zëvendësua menjëherë nga trajneri Kylian Mbappe

Mbrojtësi i Alavesit, Abdel Abqar, ka shokuar tifozët e skuadrës ku luan me veprimin pas pjesës së parë të ndeshjes ndaj Real Madridit.

Derisa lojtarët po shkonin në zhveshtore në “Santiago Bernabeu”, Abqar është parë duke iu afruar sulmuesit kundërshtar, Kylian Mbappe dhe duke i kërkuar që t’ia japë fanellën.

Abdel Abqar 🇲🇦 qui demande le maillot de Kylian Mbappé 🇫🇷 à la mi-temps face au Real Madrid. 👕

Pas très professionnel de la part de l’international marocain… 🤨 pic.twitter.com/ir1c5PoTI4

— Actu Maroc 🇲🇦 (@ActuMarocOff) September 24, 2024

Superylli francez ia plotësoi dëshirën. Hoqi fanellën dhe ia dha mbrojtësit kundërshtar. Abqar, që ka luajtur për Marokun, duket se i thotë Mbappes se fanellën e tij do t’ia japë kur të dalin nga fusha.

Abqar nuk u kthye në fushë për pjesën e dytë. Trajneri Luis Garcia e zëvendësoi. Tifozët e Alavesit kanë përgëzuar trajnerin për vendimin, ndërsa kanë mbetur të dëshpëruar me veprimin e mbrojtësit me përvojë.

Real Madridi ishte duke fituar 2:0 pas pjesës së parë në ndeshjen e së martës mbrëma. Ndeshja përfundoi 3:2, ndërsa lojtarët e Alavesit bënë luftë të madhe në fushë në pjesën e dytë.