E rrahën, ia morën telefonin dhe e mbyllën në dhomë motrën e tyre – policia arreston të dyshuarit në Deçan
Policia e Kosovës ka arrestuar dy persona në Deçan, pasi të njëjtit kishin sulmuar fizikisht motrën e tyre dhe më pas e kishin mbyllur në dhomë dhe ia kishin marrë telefonin.
Policia njofton se viktima ka pranuar tretman mjekësor dhe është dërguar në shtëpinë e sigurt.
Gjithashtu, thuhet se njëri nga të dyshuarit kishte sulmuar zyrtarët policorë.
“Deçan, 21.09.2024 – 21:35. Është raportuar se viktima femër rreth një muaj më parë është sulmuar fizikisht nga dy te dyshuarit meshkuj –vëllezërit e saj dhe më pas e kishin mbyllur në dhomë si dhe ia kishin marrë telefonin duke mos pasur mundësi ta lajmërojë rastin. Viktima ka pranuar tretman mjekësor dhe është dërguar në shtëpinë e sigurt. Lidhur me rastin janë arrestuar dy të dyshuarit ku gjatë dërgimit të tyre për ekzaminim mjekësor, njëri prej tyre i kishte sulmuar zyrtarët policorë”, njofton policia.
Me vendim të prokurorit të dyshuarit janë dërguar në qendrën e mbajtjes.
