Gjendet një mjet shpërthyes në oborrin e një ndërtese në Pejë
Një mjet shpërthyes është gjetur në oborrin e një objekti banesor në Pejë.
Fillimisht me mjetin shpërthyes kanë hasur disa fëmijë të cilët duke mos ditur rrezikun e kanë marrë në dorë.
Sipas policisë, një qytetar pasi ka identifikuar mjetin, e ka marr nga fëmijët dhe e ka lënë në një vend të sigurtë.
Më pas Policia ka lokalizuar vendin dhe po merr masat e nevojshme.
Rastin e ka konfirmuar edhe zëdhënësi i Drejtorisë Rajonale të Policisë në Pejë, Fadil Gashi
“Rreth orës 14:05 një qytetar ka njoftuar derisa ishte duke kaluar në rrugën “Mirvete Maksutaj”, pranë qendrës së mjekësisë familjare në Pejë, kishte hasur në disa fëmijë të cilët në dorë po mbanin një mjet shpërthyes, nga të cilët e kishte marrë atë dhe e kishte vendosur në një vend më të sigurt, e në vendin e ngjarjes kanë dalur njesitet kompetente për ta lokalizuar vendin dhe për të marr masat e nevojshme”, tha për Gashi.
