Pas përfundimit të kimioterapisë, Kate u rikthehet detyrave mbretërore
Princesha e Uellsit, Kate Middleton, u është rikthyer detyrave të saj, pas përfundimit të kimioterapisë.
Ajo mori pjesë dje në një takim në kështjellën “Windsor”, ku vijoi punën në projektet që u obligua t’i linte në gjysmë, muaj më parë.
Kjo shënon rikthimi zyrtar të saj detyrat mbretërore, pasi u diagnostikua me kancer dhe iu nënshtrua një ndërhyrjeje kirurgjike në janar, shkruan Indeksonline.
Javën e kaluar, Kate publikoi një video-mesazh në të cilin shprehu “lehtësimin” e saj pas përfundimit të trajtimit me kimioterapi dhe tha se mezi priste të kthehej në punë dhe “të ndërmerrte disa angazhime të tjera publike” pas kthimit në normalitet.
Në një njoftim të familjes mbretërore u tha: “Princesha e Uellsit, Mbrojtësi i Përbashkët dhe Fondacioni Mbretëror i Princit dhe Princeshës së Uellsit, këtë pasdite mbajti një takim të përvjetshëm në Kështjellën ‘Windsor’”.
