Deputeti i VV-së kundër Qeverisë Kurti për CEFTA-n: Do të ishte lajm i keq mospjesëmarrja

Visar Korenica, deputet i VV-së, ka shkruar në lidhje me mundësinë që Kosova të mospërfaqësohet në Samitin e Berlinit për CEFTA-n.

Sipas Korenicës, një gjë e tillë do të ishte një lajm i keq për Kosovën.

Tutje, Korenica ka kërkuar reflektim nga ana e Qeverisë së Kosovës, që udhëhiqet nga kryeministri Albin Kurti.

“Mospjesmarrja e Kosovës në Samitin e Berlinit për CEFTA – organizatë për tregëti të lirë ku bëjnë pjesë 6 vende të ballkanit perëndimor që do mbahet më 14 tetor, do ishte lajm i keq për Kosovën dhe shpresoj që qeveria të reflektojë refuzimin për marrëveshjen e ofruar nga emisari i Gjermanisë për Ballkanin Perëndimor z.Manuel Sarrazin duke arritur një marrëveshje dobiprurëse për Kosovën si palë e barabartë në këtë organizatë” – ka shkruar ai, ndër të tjera.