Kosova i kthehet stërvitjeve për ndeshjen ndaj Qipros

Pas humbjes nga Rumania në ndeshjen hapëse të edicionit të ri të Ligës së Kombeve në Ligën C, Kombëtarja e Kosovës u është rikthyer stërvitjeve.

Synimi është për ta rikthyer moralin e lartë dhe për ta përgatitur sa më mirë për sfidën e radhës kundër Qipros, të cilën e zhvillojnë të hënën në Larnaca.

Në stërvitjen e sotme në Kampin Nacional në Hajvali ishin të pranishëm 13 lojtarë, të cilët nuk luajtën fare ose ishin zëvendësues në ndeshjen e kaluar, ndërsa pjesa tjetër e ekipit që ishin titullarë ka zhvilluar seancë rigjeneruese në palestër brenda hotelit.

Stërvitjen e radhës Dardanët do ta zhvillojnë nesër paradite, derisa më pas do të udhëtojnë drejt Qipros