Zjarr në një fshat të Vushtrrisë, policia nis hetimet
Një zjarr është raportuar sot rreth orës 12:00 në fshatin Dobërllukë të Vushtrrisë.
Zëdhënësi i policisë për rajonin e Mitrovicës, Avni Zahiti ka thënë se përveç dëmve nuk raportohet për të lënduar.
Ai ka shtuar se njësiti i zjarrfikësve kanë lokalizuar dhe fikur zjarrin.
“Nga informatat e para përveç dëmeve nuk raportohet për te lënduar. Njësiti i zjarrfikësve kanë lokalizuar dhe fikur zjarrin. Njësitë relevante kanë nisur hetimet për zjarrin”, ka thënë Zahiti.
