Aksident mes tri veturave në autostraden “Ibrahim Rugova”, katër të lënduar
Katër persona kanë mbetur të lënduar si pasojë e një aksidenti mes tri veturave ka ndodhur në autostradën “Ibrahim Rugova”, në drejtim Prizren-Vërmicë.
Lajmin e ka konfirmuar zëdhënësi i policisë për Prishtinën, Bajram Krasniqi.
Krasniqi po ashtu tregoi se të lënduarit janë dërguar për tretman mjekësor.
“Rreth orës 20:10, policia është njoftuar për një aksident trafiku të ndodhur në autostradë drejtimi Prizren-Vërmicë. Në aksident janë përfshirë tri vetura dhe si pasojë e aksidentit, katër persona kanë kërkuar ndihmë mjekësore”, tha Krasniqi.
Ndërkaq, njësia përkatëse policore është marrë me aksidentin.
