Kurti përgenjështron Vuçiqin për marshin e shqiptarëve mbi urë: Po synon të krijojë një atmosferë frike dhe të shkaktojë reagim nga KFOR-i

Kryeministri i Kosovës, Albin Kurti, ka shkruar në “X”, të martën se asnjë shqiptar nuk do të marshojë mbi urë, duke e demantuar kështu presidentin e Serbisë, Aleksandër Vuçiq i cili ka deklaruar se “shqiptarët do të marshojnë në urën e ibrit”.

Madje, Vuçiq ka kërkuar nga KFOR’i që “të mbrojë serbët”.

Ndaj këtyre deklaratave reagoi kreu i Qeverisë së Kosovës duke thënë se këto akuza të rreme shpesh janë parathënie për një sulm të planifikuar nga Serbia.

“Me akuza të rreme se shqiptarët po marshojnë mbi urë, Presidenti i Serbisë, Aleksandar Vuçiç, synon të krijojë një atmosferë frike dhe të nxjerrë një reagim nga KFOR-i në Mitrovicë, duke kërcënuar se nëse ata nuk përgjigjen, Serbia do të përgjigjet”.

“Asnjë shqiptar nuk po marshon mbi urë, siç ai pretendon në mënyrë të rreme. Të gjitha planet për hapjen e urës kanë pasur për qëllim të nxisin ndërveprimin paqësor midis dy komuniteteve. Megjithatë, këto akuza të rreme shpesh janë një parathënie për një sulm të planifikuar nga Serbia. Për sigurinë e të gjithëve, ata nuk duhet dhe nuk do të lejohen të hyjnë në territorin tonë”, ka shkruar Kurti.

Përndryshe, për nesër është paralajmëruar një protestë e serbëve në veri të Kosovës.

Por, Veton Elshani zëvendës drejtori i Policisë së Kosovës për veriun, ka demantuar presidentin serb duke thënë se “nuk është lajmëruar asnjë tubim në jug të Mitrovicës”.

With false allegations that Albanians are marching over the bridge, Serbia’s President Aleksandar Vucic aims to create an atmosphere of fear and elicit a reaction from KFOR in Mitrovica, threatening that if they do not respond, Serbia will.

No Albanians are marching over the…

— Albin Kurti (@albinkurti) August 6, 2024