Babai i Barbara Matic arrestohet në Paris, raportohet se ka puthur me forcë një vullnetare

Boris Matic, babai i xhudistes kroate Barbara Matic, e cila dje fitoi medaljen e artë olimpike, u arrestua sot në Francë me dyshimin për sulm seksual ndaj një vullnetares të ngarkuar për akomodimin e spektatorëve.

Ajo ka raportuar në polici se Boris Matic e ka puthur me forcë teksa po festonte fitoren e së bijës në çerekfinale të garës. Vullnetarja 24-vjeçare e tronditur nga sjellja e babait të olimpistit të artë kroat thotë se ajo ka tentuar ta refuzojë, por ai e ka detyruar ta puthë.

BFMTV francez ka mësuar nga burime policore të afërta me rastin se babai i Barbara Maticit është dërguar në komisariatin e qarkut të 7-të në Paris dhe se ai aktualisht është nën hetim, pas një denoncimi ndaj tij.

Sipas tyre, ai është ende në paraburgim në Paris.

Gazeta franceze Le Parisien jep më shumë detaje dhe shkruan se çfarë i ka thënë vullnetarja policisë në raportin e saj. Ajo pohon se Boris Matic nuk ishte në tribunë, në vendin që i ishte caktuar. Ajo tha se duhej t’i kishte drejtuar spektatorët në vendet e tyre dhe vuri re se një burrë nuk do të lëvizte midis tribunave C13 dhe C14. Grafiku i tij thoshte se ai duhej të ishte vendosur në C04.

Teksa kërkoi të kthehej në vendin e tij, e reja vullnetare kuptoi se burri, i cili nuk fliste frëngjisht dhe me të cilin ajo fliste në anglisht, ishte në të vërtetë babai i xhudistes kroate që po luftonte në çerekfinale në atë moment. Ajo u dorëhoq për faktin se ai do të mbetej në atë vend në tribunë, dhe edhe nëse donte ta detyronte të kthehej në vendin e tij, ajo nuk kishte autoritetin për ta bërë këtë. Këtë duhet ta kishte bërë roja i sigurisë, i cili në atë moment nuk ndodhej aty.

Le Parisien shkruan se babai i Barbara Matic ishte veçanërisht i zëshëm dhe kur vajza e tij bëri një hap më afër finales, ai u gëzua pa masë. Në atë shpërthim gëzimi, ai dyshohet se e kapi nga supet vullnetaren e re dhe e puthi me forcë në gojë para se të zbriste shkallët.

Gjithçka dyshohet se është parë nga dëshmitarja, e cila i ka thënë të njëjtin version edhe policëve që e kanë marrë në pyetje. Ajo shprehet se vullnetarja u përpoq ta largonte nga ajo, por ai gjithsesi arriti ta puthte. Dëshmitarja thotë se vullnetarja pas kësaj ishte e tronditur dhe e zbehtë. /Telegrafi/