Rama cakton Elisa Spiropalin si kryetare të re të Kuvendit – e kthen edhe ambasadorin në Prishtinë si ministër

Kryeministri i Shqipërisë, Edi Rama ka caktuar ministren e Shtetit për marrëdhëniet me Parlamentin, Elisa Spiropali si kryetare të Kuvendit të Shqipërisë.

Lajmin e dha në fund të fjalës së tij në Kongresin e partisë, ku tha gjithashtu se nënkryetar do jetë, Bledi Çuçi.

Ndërsa kryetar i Grupit Parlamentar të Partisë Socialiste, propozoi Niko Peleshin.

Aktualisht, Peleshi mban postin e ministrit të Mbrojtjes.

Ai ka vendosur gjithashtu për disa vendime në Qeveri, ku një sërë dikasteresh do të kenë drejtues të rinj në vitin e mbetur të qeverisjes Rama 3.

Surpriza më e madhe është e ikjes së Taulant Ballës nga Ministria e Brendshme, ku ai do të marrë detyrën e ministrit të Shtetit për Marrëdhëniet me Parlamentin.

Vendin e tij – të cilin Balla e lë me vetëm një vit në detyrë – e merr Ervin Hoxha, i cili do të jetë ministri i ri i Brendshëm.

Balla ndërkaq zë vendin e Elisa Spiropalit në krye të Ministrisë së Shtetit për Marrëdhëniet me Parlamentin.

Ervin Mete nga ana tjetër, nuk do të jetë më ministër i Financave, pasi vendin e tij do ta zërë Petrit Malaj.