KQZ miraton Rregulloren për votimin jashtë Kosovës
Komisioni Qendror i Zgjedhjeve (KQZ) njoftoi se e ka miratuar rregulloren për regjistrimin dhe votimin për votuesit jashtë Kosovës.
Në mbledhjen e së martës, KQZ-ja tha se kjo rregullore e përcakton mënyrën e regjistrimit për të votuar nga jashtë Kosovës, pranimin dhe evidentimin e dërgesave postare, procedimin e vlerësimin e aplikacioneve të pranuar me postë si dhe çështje të tjera.
“Sipas KQZ-së, kjo rregullore përcakton mënyrën e regjistrimit për të votuar nga jashtë Kosovës, pranimin dhe evidentimin e dërgesave postare, procedimin dhe vlerësimin e aplikacioneve të pranuara përmes postës dhe platformës elektronike, procesin e konfirmimit dhe kundërshtimit, votimin përmes postës, vlerësimin e dërgesave postare të pranuara përmes postës dhe votimin në përfaqësi diplomatike”, ka thënë për KOHËN zëdhënësi për media i KQZ-së, Valmir Elezi.
