“Joe Biden është një njeri i mirë dhe një president i mirë, por ai duhet të dalë jashtë garës” – Komenti i Thomas Friedman, në New York Times

Një titull pa dyshime “Presidenti Biden është miku im, ai duhet të tërhiqet nga gara” (për Shtëpinë e Bardhë). Kështu Thomas Friedman, kolumnist për New York Times, hedh bardh e zi në gazetën amerikane mendimet që qarkullojnë mes komentuesve demokratë si dhe në nivelet e larta të partisë pas duelit televiziv mes Bidenit dhe Trump.

Një transmetim që Friedman, një njeri i afërt me presidentin aktual të SHBA-ve, e përkufizon si zemërthyese, “heartbreaking”.

Në të vërtetë, ai saktëson se “nuk mund të kujtoj një moment më të tmerrshëm në fushatat presidenciale që kam parë në jetën time”. Dhe kjo për shkak të paraqitjes plastike, sipas mendimit të tij, të asaj që ai vuri në dukje si një Joe Biden i përkufizuar si «një njeri i mirë dhe një president i mirë që nuk duhet të kandidojë për t’u rizgjedhur dhe një Donald Trump, “një njeri shpifës dhe një president i papërfillshëm, i cili nuk mësoi gjë, por nuk ka harruar asgjë”.

Prandaj ftesa për ata që ndoshta kanë shansin e fundit për ta shtyrë Biden një hap prapa, familja e tij, e cila sipas Friedman duhet «të mblidhet sa më shpejt të jetë e mundur dhe të ketë bisedat më të vështira me presidentin, një bisedë e bërë me dashuri, qartësi dhe qëndrueshmëri. Kjo është për t’i dhënë Shteteve të Bashkuara shansin më të mirë për të mposhtur kërcënimin e Trump në nëntor”.

Gjykimi për homologun politik të demokratëve është shumë i ashpër “Republikanët – nëse liderët e tyre do të kishin një grimcë integriteti – do të kërkonin të njëjtën gjë, por nuk do ta bëjnë sepse nuk e kanë”, thotë Friedman, duke u bërë presion demokratëve që të hapin një proces të menjëhershëm përzgjedhjeje të kandidatëve të rinj. “Nëse Zëvendës Presidentja Kamala Harris dëshiron të kanditojë, le ta bëjë. Por votuesit meritojnë një proces transparent”.

Referenca për një moment historik jo të zakonshëm është e qartë, “Ne jemi në agimin e revolucionit më të madh teknologjik dhe klimatik në historinë e njerëzimit, në prag të një revolucioni të inteligjencës artificiale që do të ndryshojë (dhe këtu Friedman përdor shkronja të mëdha, ed.) TË GJITHA PËR TË GJITHË. Ndoshta më ka munguar, por nuk mendoj se kam dëgjuar inteligjencën artificiale të përmendur nga asnjëri nga kandidatët në debat”.

Sfida epokale që kërkojnë një lider të fortë dhe prezent. Për Friedman-in “mund të kishte qenë një Joe Biden më i ri, por kohët e fundit, koha dhe mosha e kanë kapur atë, siç ishte pa mëdyshje e dukshme në përballjen televizive”.

Pra, ftesa për të bërë një hap mbrapa i bëhet «pasi i ka dhënë – si mik (siç kujton ai nga kohët e udhëtimeve në Afganistan dhe Pakistan), mundësinë e dyshimit, por nuk është më në lartësinë e duhur për detyrën. Nëse ai tërhiqet, çdo ditë amerikanët do ta përshëndesin atë me mirënjohje për atë që Trump nuk do ta bënte kurrë, duke e vënë vendin para vetes. Nëse ai nuk e bën këtë, Biden me familjen e tij, stafin e tij dhe kushdo që e ka lejuar, vështirë se do të jetë në gjendje të dalin pa ndrojtje.

Përfundimi nuk lë asnjë hapësirë “Ata meritojnë më mirë, amerikanët e meritojnë, bota e meriton”.