PDK-ja me akuza të rënda ndaj Përparim Ramës: E turpshme dhe jashtëligjore
Negocimin mes LDK-së e LVV-së në Prishtinë për koeficientin në tokën 15-hektarëshe rreth Stacionit të Autobusëve, e quajti “pazar i akshamit” partia opozitare PDK.
Asamblistë të kësaj partie, të shqetësuar lëshuan sallën e Kuvendit Komunal të Prishtinës, kështu duke refuzuar që të marrin pjesë në votimin mbi planin rregullativ për lagjen e Kalabrisë.
Të turpshme e madje edhe jashtëligjore e quajtën gjithë këtë proces edhe deputetë të Kuvendit të Kosovës nga radhët e PDK-së.
Në një intervistë për KIKS-in, deputetja Eliza Hoxha tha se nuk është detyrë e asamblistëve që të negociojnë numra e koeficiente, por aty ndodhen për të mbrojtur interesat e qytetarëve që përfaqësojnë.
Hoxha shtoi se veprimet e kryetarit Rama i cilëson si të turpshme dhe aspak të përshtatshme për një kryetar kryeqyteti.
Ndiqeni intervistën me deputeten Hoxha:
