Pas SHBA-së, edhe Gjermania i lejon Ukrainës të përdorë armët e saj kundër Rusisë

Berlini ka njoftuar se Ukraina tani mund të përdorë armë gjermane për sulme brenda Rusisë, duke ndjekur aleatët e SHBA-së dhe NATO-s në këtë vendim kur bëhet fjalë për lehtësimin e rregullave për Kievin.

Në përputhje me vendimin e SHBA-së, një zëdhënës i qeverisë gjermane thotë se Ukraina mund të përdorë furnizime ushtarake për të sulmuar objektivat përtej kufirit, por vetëm nëse i duhet të mbrojë Kharkivin nga një sulm nga veriu.

Zëdhënësi i qeverisë gjermane tha se kjo është në përputhje me të drejtën ndërkombëtare.

“Së bashku jemi të bindur se Ukraina ka të drejtë të mbrohet nga këto sulme sipas ligjit ndërkombëtar”, thuhet në deklaratë. “Për këtë qëllim, ajo mund të përdorë edhe armët që janë dorëzuar dhe nga Gjermania, në përputhje me detyrimet e saj ligjore ndërkombëtare”.

Ukraina është nën presion ushtarak, veçanërisht në rajonin e Kharkiv.

Më parë, SHBA kishte miratuar përdorimin e armëve amerikane për objektivat në Rusi në një masë të kufizuar. Kjo i referohet vetëm kundërsulmeve në mbrojtjen e qytetit të Kharkiv në lindje të Ukrainës, raportuan ndër të tjera Politiko dhe CNN.