Sllovenia pritet të bëhet shteti i katërt evropian që do ta njohë shtetin e pavarur palestinez

Kryeministri slloven, Robert Golob, ka bërë të ditur se qeveria e tij do ta shqyrtojë njohjen e një shteti të pavarur palestinez këtë javë.

Golob tha se shqyrtimi për njohjen e një shteti të pavarur palestinez do të bëhet të enjten, gjatë mbledhjes së qeverisë.

“Ndërkohë, ne do të vazhdojmë të koordinohemi me një grup vendesh me të njëjtin mendim për të krijuar presion maksimal për një armëpushim të menjëhershëm dhe lirim të pengjeve”.

“Si një anëtar i përgjegjshëm i Këshillit të Sigurimit, ne kemi detyrimin të bëjmë gjithçka që është në fuqinë tonë për të sjellë paqe të qëndrueshme në Lindjen e Mesme”, tha Golob, shkruan CNN.